• 14:45 – Հանդիպում Զվարթնոց միջազգային օդանավակայանում

  17:45 – Մեկնում Երևանից դեպի Հռոմ (FLYONE, թռիչքի տևողությունը՝ 4 ժամ 25 րոպե)

  20:10 – Ժամանում Հռոմի Ֆյումիչինո (FCO) միջազգային օդանավակայան

  Տրանսֆեր Ֆյումիչինո օդանավակայանից դեպի Չիվիտավեկիայի հյուրանոց

  Ժամանում հյուրանոց, տեղավորում սենյակներում և հանգիստ

  Գիշերակաց Չիվիտավեկիայի հյուրանոցում

• 08:30 – Նախաճաշ հյուրանոցում և սենյակների հանձնում (Check-out)

• 11:00 – Տեղափոխում Չիվիտավեկիայի նավահանգիստ

• Ժամանում նավահանգիստ, գրանցում (Check-in) և ուղեբեռի հանձնում։

• Բնակեցում MSC Grandiosa 5★ նավի վրա: MSC Grandiosa-ն MSC Cruises ընկերության Meraviglia-Plus դասի ամենաշքեղ, նորարարական և տեխնոլոգիապես հագեցած նավերից է։ Այն տպավորում է իր մասշտաբներով, 112 մետր երկարությամբ եզակի փակ զբոսապատշգամբով (Promenade), հսկայական LED գմբեթով և բարձրակարգ իտալական էլեգանտությամբ։

• Վիրտուալ նավային շրջագայություն

  Ծանոթացում հանրանավի հետ՝ խմբի ղեկավարի ուղեկցությամբ

  19:00 – հանրանավի մեկնում

  Ընթրիք ռեստորանում, ծանոթացում խմբի մասնակիցների հետ

  Ազատ երեկո

  Գիշերակաց

• Օր ծովումՀանգիստ հանրանավի վրա
  

  MSC Grandiosa-յում ձեր ազատ օրը լի է վայելքներով և զվարճություններով։

  Այս նավի վրա դուք կարող եք հանգստանալ շքեղ սպա կենտրոնում, սուզվել ջրային վայելքի մեջ՝ լողալով լողավազաններում, այցելել կենդանի երաժշտությամբ համերգների կամ թատրոն, կատարել հաճելի գնումներ նավի խանութներում, պահպանել մարզավիճակը ֆիթնես կենտրոնում, կարող եք փորձել ձեր հաջողությունը շքեղ կազինոյում, իսկ երեկոյան՝ պարել դիսկոտեկում կամ պարզապես զբոսնել նավի զբոսայգով և վայելել ծովային տեսարանների կախարդանքը։

  Գիշերակաց

09:00 – Ժամանում Պալմա դե Մալյորկայի նավահանգիստ (կանգառ՝ 12 ժամ)

09:30  Նախաճաշ

10:00 – Հեղինակային էքսկուրսիա Պալմա դե Մալյորկայում և այցելություն գինեգործարան-թանգարան (ռուսախոս լիցենզավորված զբոսավար)

Մալյորկան Միջերկրական ծովի ամենաշքեղ և հմայիչ կղզիներից է, որտեղ միահյուսվում են հնագույն պատմությունը, արևոտ խաղողի այգիներն ու վեհաշուք ճարտարապետությունը։ Այսօր ձեզ սպասվում է բացառիկ հեղինակային ճամփորդություն, որը կբացահայտի կղզու թաքնված գանձերն ու իսկական համերը։

Զբոսանք հին քաղաքում և Մայր Տաճար (La Seu) Մենք կքայլենք կղզու մայրաքաղաքի հմայիչ հին փողոցներով և կայցելենք Պալմայի գլխավոր մարգարիտը՝ վեհաշուք Մայր Տաճարը։ Այստեղ ձեզ սպասվում է հատուկ հեղինակային բացահայտում. մենք կծանոթանանք «5 գլխավոր տարբերություններին, որոնցով Պալմայի Մայր Տաճարը տարբերվում է աշխարհի բոլոր մյուս տաճարներից»։

Գինեգործարան, համտես և յուրօրինակ Էթնո-թանգարան Էքսկուրսիայի հաջորդ կանգառը կլինի մի կոլորիտային, փոքրիկ գինեգործարան, որն արտադրում է բարձրորակ գինիների և կավայի (իսպանական փրփրուն գինի) սահմանափակ խմբաքանակներ։ Մեզ սպասվում է 3 տեսակի ընտիր գինիների համտես։ Այնուհետև կայցելենք տեղի յուրօրինակ էթնո-թանգարանը, որտեղ կզգանք կղզու իրական պատմությունն ու կենցաղը։

Գնումներ և տեղական նվերներ Տուրի ընթացքում հիանալի հնարավորություն կունենաք ձեռք բերելու և փորձելու Մալյորկայի իսկական ավանդական բարիքները, որոնք կդառնան լավագույն նվերները ձեր և ձեր հարազատների համար՝ տեղական հայտնի ծովային աղ, ավանդական երշիկեղեն (sobrassada), բարձրորակ ձիթապտղի յուղ, ընտիր գինի և այլն։

Էքսկուրսիան կտևի մոտ 4.5 ժամ։ Ազատ ժամանակ Էքսկուրսիայի ավարտից հետո կունենաք ազատ ժամանակ՝ ինքնուրույն զբոսնելու Պալմայի գեղեցիկ ծովափնյա փողոցներով, գնումներ (շոպինգ) անելու կամ տեղական սրճարաններում իսպանական տապասներ փորձելու համար։

Վերադարձ հանրանավ մինչև 20:00

21:00 – Հանրանավի մեկնում Ազատ երեկո, ընթրիք և շոու-ծրագիր

Գիշերակաց

08:00 – Ժամանում Բարսելոնայի նավահանգիստ (կանգառ՝ 9 ժամ)

08:30 Նախաճաշ

09:00 – Ընդարձակ տեսարժան էքսկուրսիա Բարսելոնայում (ռուսախոս լիցենզավորված զբոսավար)

10:00 – էքսկուրսիա Բարսելոնայում (ռուսախոս լիցենզավորված զբոսավար)

Բարսելոնա – Միջերկրական ծովի Մարգարիտը 

Բարսելոնան Իսպանիայի խոշոր քաղաք է, Կատալոնիայի ինքնավար մարզի
մայրաքաղաքը , որը գտնվում է Միջերկրական ծովի հյուսիսարևելյան ափին։ Այն կարևոր արդյունաբերական և առևտրային կենտրոն է  և Եվրոպայի ամենաշատ այցելվող զբոսաշրջային քաղաքներից մեկը ։

Բարսելոնայի բնակչությունը կազմում է մոտ 1.6 միլիոն մարդ, իսկ մետրոպոլիտենային տարածքի բնակչությունը՝ ավելի քան 5 միլիոն։

 
Սկսում ենք մեր էքսկուրսիան Մոնժուիկ բլուրից  (170 մ բարձրություն), որպեսզի հիանանք քաղաքի հիասքանչ համայնապատկերով, որը հատկապես կախարդական է առավոտյան։

Մոնժուիկ բլուրը Բարսելոնայի հիասքանչ լեռներից մեկն է, որը հայտնի է իր հարուստ պատմությամբ,գեղեցիկ այգիներով և տպավորիչ տեսարժան վայրերով ։
Այն կարևոր դեր է խաղացել քաղաքի պատմության մեջ՝ ծառայելով 1929 թվականի Համաշխարհային ցուցահանդեսի և 1992 թվականի Օլիմպիական խաղերի անցկացման վայր։ Բլրի անունը ենթադրաբար նշանակում է «հրեական լեռ» ։

Այնուհետև կայցելենք`

Կատալոնիայի արվեստի ազգային պալատը

Կատալոնիայի ազգային արվեստի թանգարանը (MNAC) Բարսելոնայի ամենամեծ թանգարանն է, որը գտնվում է Մոնժուիկի պալատում, այն կառուցվել է 1929 թվականի միջազգային ցուցահանդեսի համար։ Թանգարանը հայտնի է կատալոնական արվեստի լայնածավալ հավաքածուով, որը ներառում է միջնադարյան գեղանկարչություն, մոդեռնիստական աշխատանքներ և լուսանկարչական հավաքածուներ։

1929 թ․ համաշխարհային ցուցահանդեսի տաղավարները

1929 թվականի Բարսելոնայի համաշխարհային ցուցահանդեսի տաղավարները, մասնավորապես Լյուդվիգ Միս Վան Դեր Ռոեի կողմից նախագծված գերմանական տաղավարը, մոդեռնիստական ճարտարապետության հիմնական օրինակներ են։ Տաղավարը պարզապես ցուցասրահ չէր, այլ ճարտարապետական գաղափարների մանիֆեստ՝ մարմնավորված մինիմալիզմի, նոր նյութերի օգտագործման և բաց հատակագծի մեջ։

Իսպանիայի հրապարակի համայնապատկեր

Բարսելոնայի Իսպանիայի հրապարակը քաղաքի ամենահայտնի և ամենամեծ հրապարակներից մեկն է, որը գտնվում է Մոնժուիկ լեռան ստորոտում։Այն կարևոր տրանսպորտային միջոց է և վայր, որտեղ կարելի է տեսնել Ազգային պալատը և Կախարդական շատրվանը։ Հրապարակը շրջանաձև է և շրջապատված է տպավորիչ շենքերով, այդ թվում՝ «Արենա Բարսելոնա» առևտրի կենտրոնով (նախկինում ցլամարտի ասպարեզ):   

Սագրադա Ֆամիլիա՝ Բարսելոնայի խորհրդանիշը

Սագրադա Ֆամիլիա, Իսպանիայի Բարսելոնա քաղաքի նշանավոր ճարտարապետական ​​տեսարժան վայր է։ Անտոնիո Գաուդիի կողմից նախագծված այս տաճարը հայտնի է իր յուրօրինակ ոճով, որը համատեղում է գոթիկայի և մոդեռն ոճի տարրերը, և այն փաստով, որ դրա շինարարությունը դեռևս անավարտ է։

Անտոնիո Գաուդիի հանրահայտ տները՝ յուրօրինակ ճարտարապետության գլուխգործոցներ

Իսպանացի մեծ ճարտարապետ Անտոնիո Գաուդին հարուստ ժառանգություն է թողել, հիմնականում Բարսելոնայում։ Նրա ամենահայտնի գործերն են այնպիսի բնակելի շենքեր, ինչպիսիք են Casa Batlló-ն, Casa Milà-ն (նաև հայտնի է որպես La Pedrera) և Casa Vicens-ը։ Նաև հիշատակության արժանի են Գուելի այգին և Սագրադա Ֆամիլիան, որոնք նրա աշխատանքի կարևոր օբյեկտներ են։

Հաղթական կամար՝ քաղաքային մուտքի նշանավոր կետ

Բարսելոնայի Հաղթական կամարը, որը հայտնի է որպես (L’Arc de Triomf), կառուցվել է 1888 թվականին՝ որպես Պարկ դե լա Սյուտադելյայում անցկացվող Համաշխարհային ցուցահանդեսի գլխավոր մուտքը։ Ի տարբերություն ռազմական հաղթանակները նշելու համար կանգնեցված ավանդական հաղթական կամարների, Բարսելոնայի կամարը խորհրդանշում է խաղաղ առաջընթացը, գիտությունը, մշակույթը և տնտեսական զարգացումը։ Կամարը կառուցված է նեոմավրիտանական ոճով՝ կարմիր աղյուսից և հարուստ կերպով զարդարված է քանդակներով և բարձրաքանդակներով։

Սյուտադելլայի այգի՝ կանաչ ու խաղաղ անկյուն

Parc de la Ciutadella (Ciutadella Park) կանաչ օազիս է, որը գտնվում է քաղաքի սրտում: Այն կառուցվել է 19-րդ դարի ընթացքում։ Այգում կա փոքրիկ լիճ, շատրվան և լայն մարգագետիններ, որտեղ կարող եք նստել, հանգստանալ և վայելել ձեր օրը։ Սյուտադելլա այգում է գտնվում նաև Կատալոնիայի խորհրդարանը։

Ֆրանսիական կայարան՝ պատմական նշանակություն ունեցող շինություն

Բարսելոնայի ֆրանսիական կայարանը, որը պաշտոնապես կոչվում է Estació de França, քաղաքի գլխավոր երկաթուղային կայարաններից մեկն է։ Այն գտնվում է քաղաքի կենտրոնի մոտ, Բարսելոնետա շրջանում։Կայարանը հայտնի է իր ճարտարապետությամբ և նրանով որ նա վերգետնյա կայարան է՝ ի տարբերություն Բարսելոնայի մյուս կայարանների մեծ մասի, որոնք գտնվում են գետնի տակ։

Ամբարտակ և Հին նավահանգիստ՝ ծովի շունչն ու պատմությունը

Բարսելոնայի Հին նավահանգիստը (Port Vell) բացարձակ հին տեսք չունի։ Սա զարմանալի չէ, քանի որ վերջին մի քանի տասնամյակների ընթացքում այն լրջորեն վերակառուցվել է, գրեթե վերածնվել։ Նույն տեղում նախկինում նավահանգիստ է եղել (բնականաբար, դրա համար էլ այն կոչվում է Հին), բայց 20-րդ դարի մեծ մասի ընթացքում այն նավահանգստային տարածք էր, որը հիմնականում նախատեսված էր սպասարկման համար։

Էքսկուրսիան կտևի մոտ 5 ժամ։ Ազատ ժամանակ Տուրի ավարտին կունենաք ազատ ժամանակ՝ քաղաքում ինքնուրույն զբոսնելու, կատալոնական խոհանոցը վայելելու կամ հուշանվերներ գնելու համար։

Վերադարձ հանրանավ մինչև 16:00 17:00 – Հանրանավի մեկնում Ազատ երեկո, ընթրիք և շոու-ծրագիր Գիշերակաց

09:00 Ժամանում Մարսելի նավահանգիստ

09:00  Նախաճաշ հանրանավի վրա

10:00 – էքսկուրսիա Մարսելում (Հայ լիցենզավորված զբոսավար)

Մարսելը Ֆրանսիայի ամենամեծ քաղաքներից մեկն է և Պրովանս—Ալպեր—Կոտ դ‘Ազուր տարածաշրջանի մայրաքաղաքը։
Այն Միջերկրական ծովի ամենամեծ նավահանգիստն է, որը գտնվում է երկրի հարավ—արևելյան մասում՝ Լիոնի ծոցի ափին։

Մարսելը Ֆրանսիայի ամենահին և ամենաբազմազգ քաղաքն է, որն ունի թափառական հարավային բնավորություն։

Մեր զբոսավարը մեզ կծանոթացնի Մարսելի հիմնադրման պատմությանը, ցույց կտա քաղաքի կենտրոնում գտնվող մի քանի պատմական հուշարձաններ և կպատմի դրանց մասին

Մենք կայցելենք քաղաքի կենտրոնը և զբոսանավերի նավահանգիստը։ Առավոտյան՝ մինչև ժամը 12:00, ափին կգործի տեղական ձկնաշուկան, որտեղ կվաճառվեն թարմ,նույնիսկ կենդանի ձկներ ու ծովամթերք։

Կայցելենք նաև Մարսելի խորհրդանշական վայրերը՝ կանգ կառնենք հիասքանչ քաղաքապետարանի շենքի մոտ, կտեսնենք քաղաքի ամենահին տունը (1535 թ.), և կշրջենք Պանիեի գեղատեսիլ թաղամասում։

Մենք նաև կայցելենք 17-րդ դարի Սուրբ Հովհաննեսի ամրոցը, որից հետո կկարողանանք հիանալ Թանգարանի բնօրինակ և շատ գեղեցիկ շենքով.   

Այնուհետև մենք կնստենք քաղաքի տրամվայը, կզգանք մեզ ինչպես տեղացիներ, և կայցելենք նաև Լոնգշամի պալատը (19-րդ դարի քաղաքացիական ճարտարապետության գլուխգործոց).

Ազատ ժամանակ
Կունենաք ազատ ժամանակ՝ վայելելու ֆրանսիական սուրճ, տեղական քաղցրավենիք, գնումներ կատարելու կամ պարզապես հանգստանալու քաղաքի գեղեցիկ անկյուններից մեկում։

Էքսկուրսիայի տևողությունը՝ մոտ 5 ժամ (ներառյալ ճանապարհը և ազատ ժամանակը)

Գիշերակաց հանրանավի վրա

08:00 Ժամանում Ջենովայի նավահանգիստ

08:00 Նախաճաշ հանրանավի վրա

10:00 Էքսկուրսիա դեպի Ջենովա՝ քաղաքի գլխավոր տեսարժան վայրերով (ռուսախոս զբոսավար)

Այսօր մեզ սպասվում է ծանոթություն Իտալիայի ամենահետաքրքիր նավահանգստային քաղաքներից մեկի՝ Ջենովայի հետ։ Լիգուրիայի մայրաքաղաքը հայտնի է իր հարուստ ծովային պատմությամբ, միջնադարյան նեղ փողոցներով, շքեղ պալատներով և յուրահատուկ իտալական մթնոլորտով։

Էքսկուրսիան կանցկացվի ոտքով՝ քաղաքի պատմական կենտրոնով։ Զբոսանքի ընթացքում կբացահայտենք Ջենովայի ամենահայտնի վայրերը, կծանոթանանք քաղաքի պատմությանը և կզգանք հին քաղաքի անկրկնելի մթնոլորտը։

Պիացա դե Ֆերարի (Piazza De Ferrari)

Ջենովայի գլխավոր հրապարակը և քաղաքի ամենահայտնի խորհրդանիշներից մեկը։ Հրապարակի կենտրոնում գտնվում է տպավորիչ շատրվանը, իսկ շուրջը՝ պատմական շենքեր, պալատներ և քաղաքի մշակութային կարևոր կառույցներ։

Սան Լորենցոյի տաճար (Cattedrale di San Lorenzo)

Ջենովայի գլխավոր տաճարը՝ իր տպավորիչ սև ու սպիտակ մարմարե ճակատով։ Այն քաղաքի կարևորագույն պատմական և կրոնական հուշարձաններից է և առանձնանում է իր յուրահատուկ միջնադարյան ճարտարապետությամբ։

Ջենովայի պատմական կենտրոն

Կզբոսնենք հին քաղաքի հայտնի նեղլիկ փողոցներով՝ caruggi-ներով, որտեղ պահպանվել է միջնադարյան Ջենովայի իրական մթնոլորտը։ Այստեղ փոքր հրապարակները, հին տները, տեղական խանութներն ու սրճարանները ստեղծում են քաղաքի առանձնահատուկ կոլորիտը։

Վիա Գարիբալդի (Via Garibaldi)

Ջենովայի ամենագեղեցիկ պատմական փողոցներից մեկը, որը հայտնի է իր շքեղ ազնվականական պալատներով։ Այստեղ են գտնվում հանրահայտ Palazzi dei Rolli պալատներից մի քանիսը, որոնք ընդգրկված են ՅՈՒՆԵՍԿՕ-ի Համաշխարհային ժառանգության ցանկում։

Պալացցո Դուկալե (Palazzo Ducale)

Ջենովայի պատմական կարևորագույն շինություններից մեկը՝ նախկինում Ջենովայի դոժերի նստավայրը։ Այսօր այն քաղաքի մշակութային կյանքի կարևոր կենտրոններից է։

Պորտո Անտիկո (Porto Antico)

Ջենովայի հին նավահանգստային հատվածը, որը քաղաքի ամենակենդանի և գեղեցիկ զբոսավայրերից մեկն է։ Այստեղ կարելի է վայելել ծովային մթնոլորտը, զբոսնել նավահանգստի երկայնքով և տեսնել ժամանակակից Ջենովայի ու նրա ծովային անցյալի հետաքրքիր համադրությունը։

Ազատ ժամանակ

Էքսկուրսիայից հետո կունենաք ազատ ժամանակ՝ ինքնուրույն շարունակելու զբոսանքը Ջենովայում, այցելելու իտալական սրճարաններ և ռեստորաններ, համտեսելու լիգուրիական խոհանոցը կամ գնումներ կատարելու։

Զբոսավարը կբացատրի, թե ինչպես կարելի է հեշտությամբ կողմնորոշվել քաղաքում և ազատ ժամանակից հետո հարմար վերադառնալ կրուիզային նավ։

Էքսկուրսիայի տևողությունը՝ մոտ 2 ժամ 30 րոպե

18:00 Կրուիզային նավի մեկնում Ջենովայի նավահանգստից

Գիշերակաց հանրանավի վրա

07:00  Ժամանում Լա Սպեցիայի նավահանգիստ

09:00 Նախաճաշ հանրանավի վրա

10:00 Էքսկուրսիա Լիգուրիայի գեղատեսիլ ափով՝ Պոետների ծոց, Պորտովեներե և Չինկվե Տերրե

Այսօր մեզ սպասվում է Իտալիայի ամենագեղեցիկ ափամերձ շրջաններից մեկը՝ գունավոր փոքրիկ քաղաքներով, ժայռոտ ափերով և Լիգուրյան ծովի հիասքանչ համայնապատկերներով։ Մեր ճանապարհորդությունը կմիավորի նավակով զբոսանքը, միջնադարյան Պորտովեներեն և աշխարհահռչակ Չինկվե Տերրեի բնակավայրերը։

  Պոետների ծոց (Golfo dei Poeti)
Մեր ճանապարհորդությունը կսկսենք գեղատեսիլ Պոետների ծոցից, որն իր գեղեցկությամբ դարեր շարունակ ոգեշնչել է հայտնի գրողների և բանաստեղծների։ Նավակով կանցնենք Լիգուրիայի տպավորիչ ափագծով՝ ծովից վայելելով ժայռերի վրա կառուցված գունավոր բնակավայրերը, փոքրիկ ծովախորշերն ու միջերկրածովյան բնությունը։

  Միջնադարյան Պորտովեներե (Portovenere)
Կայցելենք Լիգուրիայի իսկական մարգարիտներից մեկը՝ Պորտովեներեն։ Գունավոր տները, նեղ միջնադարյան փողոցները և ծովի անմիջապես եզրին բարձրացող ժայռերը քաղաքին յուրահատուկ հմայք են հաղորդում։ Կտեսնենք Սուրբ Պետրոսի հայտնի եկեղեցին՝ կառուցված ժայռի վրա, և կվայելենք Պոետների ծոցի ու Լիգուրյան ծովի տպավորիչ տեսարանները։

  Չինկվե Տերրե ազգային պարկ (Cinque Terre)
Այնուհետև կուղևորվենք աշխարհահռչակ Չինկվե Տերրե՝ Իտալիայի ամենատպավորիչ և լուսանկարվող վայրերից մեկը։ Հինգ փոքրիկ բնակավայրերը կառուցված են անմիջապես ժայռոտ ափերին՝ շրջապատված խաղողի այգիներով և Լիգուրյան ծովով։ Նավակից կտեսնենք ափի գունեղ քաղաքների անկրկնելի համայնապատկերը, իսկ դրանցից մի քանիսում կանգառներ կունենանք՝ ոտքով զբոսնելու, նեղ փողոցները բացահայտելու և իսկական իտալական ծովափնյա մթնոլորտը վայելելու համար։

Վերադարձ դեպի Լա Սպեցիա
Չինկվե Տերրեից Լա Սպեցիա կվերադառնանք գնացքով՝ հնարավորություն ունենալով նույն գեղեցիկ ափը բացահայտել արդեն մեկ այլ տեսանկյունից։

Լա Սպեցիայի պատմական կենտրոն (La Spezia)
Հանրանավ վերադառնալու ճանապարհին կզբոսնենք նաև Լա Սպեցիայի պատմական կենտրոնով։ Կանցնենք քաղաքի աշխույժ փողոցներով և հրապարակներով՝ ծանոթանալով այս կարևոր նավահանգստային քաղաքի առօրյային և իտալական մթնոլորտին։

  Էքսկուրսիան կտևի մոտ 5 ժամ։

Էքսկուրսիայի ավարտից հետո՝ վերադարձ հանրանավ։

Ազատ երեկո, ընթրիք և ժամանցային ծրագիր հանրանավի վրա։

Գիշերակաց հանրանավում։

08:00 – ժամանում Չիվիտավեկյայի նավահանգիստ

Նախաճաշ

09:00 – ելք հանրանավից

Տրանսֆեր դեպի Հռոմի հյուրանոց (88 կմ, մոտ 1 ժամ 20 րոպե)

10:30 – ժամանում հյուրանոց

Ուղեբեռների բեռնաթափում

Հանդիպում զբոսավարի հետ

11:00 – էքսկուրսիա Հռոմում (Հայ լիցենզավորված զբոսավար)

Այս էքսկուրսիայի ընթացքում մենք կտեսնենք քաղաքի ամենանշանավոր վայրերը՝

Կոլիզեյ

Կոլիզեյը, որը հայտնի է նաև որպես Ֆլավիոսի ամֆիթատրոն, հին ամֆիթատրոն է Հռոմում, որը կառուցվել է մ.թ. 70-80 թվականների միջև։ Այն Հին Հռոմի ամենահայտնի և խորհրդանշական շենքերից մեկն է, ինչպես նաև Հռոմի և Իտալիայի խորհրդանիշը։ Կոլիզեյը գլադիատորական կռիվների, կենդանիների որսի և այլ ներկայացումների, ինչպիսիք են ծովային մարտերը վայր էր։

Հռոմեական ֆորում

Հռոմեական ֆորումը կամ Forum Romanum-ը, Հին Հռոմի սոցիալական, քաղաքական և տնտեսական կյանքի կենտրոնն էր։ Գտնվելով Պալատինյան և Կապիտոլիումյան բլուրների միջև՝ այն ծառայել է որպես հանրային հավաքների, դատական ​​լսումների, կրոնական արարողությունների և առևտրային գործարքների անցկացման վայր։ Այսօր այն հնագիտական տարածք է, որտեղ կարող եք տեսնել տաճարների, բազիլիկների, հաղթական կամարների և այլ շինությունների մնացորդներ, որոնք մի ժամանակ շրջապատել են ֆորումը։

Պանթեոն

Պանթեոնը հին հռոմեական տաճար է, որը նվիրված է բոլոր աստվածներին, որը պահպանվել է մինչ օրս և ճարտարապետության ակնառու օրինակ է։ Այն հայտնի է իր հսկայական գմբեթով և կենտրոնում գտնվող անցքով (օկուլուս), որի միջով լույս է թափանցում։ Ավելի ուշ այն վերածվեց քրիստոնեական եկեղեցու։   

Պիացցա Նավոնա

Պիացցա Նավոնան գեղեցիկ և աշխույժ հրապարակ է, որը գտնվում է Հռոմի սրտում։ Այն հայտնի է իր ապշեցուցիչ բարոկկո ճարտարապետությամբ, կենսունակ մթնոլորտով և հարուստ պատմությամբ։ Դոմիտիանոսի հին մարզադաշտի տեղում կառուցված Պիացցա Նավոնան հռոմեական ամենահայտնի և ամենամեծ հրապարակներից մեկն է։

Իսպանական աստիճաններ

Իսպանական աստիճանները ( իտալ. ՝ Scalinata di Trinità dei Monti ), հայտնի մեծ սանդուղք է Հռոմում, որը բաղկացած է 135 աստիճաններից, որոնք միացնում են Իսպանական աստիճանները (Piazza di Spagna) և Trinità dei Monti եկեղեցին։ Այն Հռոմի ամենահայտնի տեսարժան վայրերից մեկն է և սիրված վայր է ինչպես զբոսաշրջիկների, այնպես էլ տեղացիների համար։

Տրեվի շատրվանը

Տրևի շատրվանը (իտալերեն՝ Fontana di Trevi) Հռոմի ամենամեծ և ամենահայտնի շատրվանն է, բարոկկոյի ակնառու օրինակ։ Այն հարակից է Պոլի պալատին և իրենից ներկայացնում է ճարտարապետական և քանդակագործական շքեղ կոմպոզիցիա։ Շատրվանի կենտրոնում գտնվում է ծովային ջրերի տիրակալ Նեպտունի արձանը՝ շրջապատված ծովային ձիերով, տրիտոններով և այլ առասպելական արարածներով։ Տրևի շատրվանը հայտնի է իր գեղեցկությամբ, ինչպես նաև Հռոմ վերադառնալու համար դրա մեջ մետաղադրամներ նետելու ավանդույթով։   

Մենք կայցելենք նաև Հռոմի ամենագեղեցիկ եկեղեցիները՝ բացահայտելով նրանց պատմությունը։

Էքսկուրսիան կտևի է մոտ 4 ժամ։

15։00 – վերադարձ և բնակեցում հյուրանոցում

Ազատ երեկո

Գիշերակաց Hotel Villafranca Rome 4* հյուրանոցում

Նախաճաշ հյուրանոցում

Առավոտյան – Էքսկուրսիա Վատիկանում

Այսօր մեզ սպասում է ճանապարհորդության գեղեցիկ եզրափակիչը՝ այցելություն աշխարհի ամենափոքր անկախ պետություն և միաժամանակ համաշխարհային պատմության, արվեստի ու ճարտարապետության կարևորագույն կենտրոններից մեկը՝ Վատիկան։

Սուրբ Պետրոսի հրապարակ և Սուրբ Պետրոսի տաճար

Վատիկանի թանգարաններ և Սիքստինյան կապելլա

Ազատ ժամանակ Հռոմում

16:00 – Վերադարձ իրերի հետևից

Տրանսֆեր դեպի Հռոմի Ֆյումիչինո միջազգային օդանավակայան

20:00 – Թռիչք Հռոմ – Երևան

FLYONE | 3F 3258
Թռիչքի տևողությունը՝ 4 ժամ։

30 հոկտեմբեր

03:00 – Ժամանում Երևան