🕒 06:00 – հանդիպում Զվարթնոց միջազգային օդանավակայանում

✈️ 08:40 – մեկնում Երևանից դեպի Փարիզ (Air France ավիաընկերությամբ)
Տևողությունը՝ 4 ժամ 15 րոպե

🕛 11:55 – ժամանում Փարիզի Շառլ դը Գոլ օդանավակայան

Տրանզիտ՝ 3 ժամ 35 րոպե

✈️ 15:30 – մեկնում Փարիզից դեպի Մարաքեշ
Տևողությունը՝ 3 ժամ 20 րոպե

🕔 17:50 – ժամանում Մարաքեշ

Մեր մարոկկյան արկածը սկսվում է կախարդական Մարաքեշից՝ քաղաքի, որտեղ արևելյան հեքիաթները կենդանանում են յուրաքանչյուր փողոցում։ Վարդագույն քաղաքի հնագույն պատերը, արմավենիներով շրջապատված պողոտաները և գունեղ շուկաները առաջին իսկ պահից կստեղծեն Մարոկկոյի յուրահատուկ մթնոլորտը։

Օդանավակայանում մեզ կդիմավորեն, որից հետո հարմարավետ տրանսֆերով կուղևորվենք դեպի հյուրանոց։

🏨 Տեղավորում հյուրանոցում և հանգիստ

Ազատ ժամանակ՝ ճանապարհից հետո հանգստանալու, թարմանալու և Մարաքեշի կախարդական մթնոլորտը վայելելու համար։

🍽️ Բարի գալուստի ընթրիք

Երեկոյան միասին կվայելենք առաջին մարոկկյան ընթրիքը՝ ծանոթանալով երկրի հարուստ խոհանոցին, արևելյան համեմունքներին և հյուրընկալության ավանդույթներին։

Այս օրը բացահայտում ենք Մարաքեշի առավել նրբաճաշակ ու արվեստով լի կողմը՝ այն վայրերը, որոնք ոգեշնչել են աշխարհի մեծագույն դիզայներներին։

Նախաճաշ հյուրանոցում
Օրը սկսում ենք հանգիստ նախաճաշով՝ պատրաստվելով գունեղ և ոճային բացահայտումներին։

Ժարդեն Մաժորել (Jardin Majorelle)
Առավոտյան այցելում ենք Մարաքեշի ամենահայտնի և էկզոտիկ այգիներից մեկը։
Կապույտի և կանաչի յուրահատուկ համադրությունը ստեղծում է իրական հեքիաթային մթնոլորտ։ Այգին ստեղծվել է ֆրանսիացի նկարիչ Ժակ Մաժորելի կողմից և հետագայում վերականգնվել է Իվ Սեն Լորանի կողմից։

Սա Մարաքեշի ամենաինստագրամյան վայրերից մեկն է՝ վառ գույներով, արմավենիներով և յուրահատուկ դիզայնով։

YSL թանգարան (Yves Saint Laurent Museum)
Նորաձևության սիրահարների համար սա իսկական «must visit» վայր է։
Այստեղ կծանոթանանք լեգենդար դիզայների աշխատանքներին և կհասկանանք, թե ինչպես է Մարաքեշի գունային աշխարհը ոգեշնչել բարձր նորաձևությունը։

Մեդինայի լաբիրինթոսներ և սուկեր (Souks)
Կեսօրից հետո տեղափոխվում ենք քաղաքի ամենակենդանի հատվածը՝ հին մեդինա։
Կմոլորվենք նեղ փողոցներում, կբացահայտենք գունեղ շուկաները, որտեղ կարելի է գտնել ամեն ինչ՝ ձեռագործ գորգերից մինչև կաշվե իրեր և արևելյան համեմունքներ։

Իդեալական վայր է վառ, գունեղ և իսկապես յուրահատուկ ինստագրամյան լուսանկարներ ստանալու համար։

Երեկոյան հանգիստ
Օրվա ավարտին կունենաք ազատ ժամանակ՝ վայելելու Մարաքեշի երեկոյան մթնոլորտը կամ հանգստանալու հյուրանոցում։

Նախաճաշ հյուրանոցում

Այս օրը նախատեսված է հանգստի, ինքնուրույն բացահայտումների և Մարաքեշի կախարդական մթնոլորտը լիարժեք վայելելու համար։

Ազատ օր Մարաքեշում

Այսօր յուրաքանչյուրն իր ռիթմով կարող է շարունակել ծանոթությունը քաղաքի հետ։ Կարող եք զբոսնել գունեղ Մեդինայի նեղ փողոցներով, այցելել տեղական շուկաներ, վայելել մարոկկյան սուրճը հարմարավետ սրճարաններից մեկում կամ պարզապես հանգստանալ և վայելել քաղաքի յուրահատուկ մթնոլորտը։

Մարաքեշը այն քաղաքներից է, որտեղ ամեն քայլափոխի նոր բացահայտումներ են սպասում․ գունավոր դռներ, արևելյան բույրեր, ձեռագործ իրեր և անմոռանալի տեսարաններ։

Օրը հնարավորություն է տալիս զգալ քաղաքը ոչ թե որպես զբոսաշրջիկ, այլ որպես նրա մի մասնիկ։

Գիշերակաց Մարաքեշում

Նախաճաշ հյուրանոցում Check out

Այսօր հրաժեշտ ենք տալիս կախարդական Մարաքեշին և ուղևորվում դեպի Մարոկկոյի տնտեսական ու ժամանակակից մայրաքաղաք՝ Կասաբլանկա։

Ճանապարհ դեպի Կասաբլանկա

Հեռավորություն՝ 240 կմ
Տևողություն՝ մոտ 3 ժամ

Ճանապարհին հնարավորություն կունենանք վայելելու Մարոկկոյի բազմազան բնապատկերները՝ տեսնելով երկրի առօրյան և քաղաքներից դուրս գտնվող իրական Մարոկկոն։

Hassan II Mosque․ ճարտարապետական գլուխգործոց

Կասաբլանկա հասնելուց հետո կայցելենք աշխարհի ամենատպավորիչ մզկիթներից մեկը։ Hassan II Mosque-ը վեր է խոյանում անմիջապես Ատլանտյան օվկիանոսի ափին և համարվում է Մարոկկոյի գլխավոր խորհրդանիշներից մեկը։ Նրա հսկայական մինարեթը, նուրբ զարդաքանդակներն ու բացառիկ ճարտարապետությունը անտարբեր չեն թողնում ոչ մի այցելուի։

Կասաբլանկայի Կորնիշ

Այնուհետև կզբոսնենք քաղաքի հայտնի ափամերձ գոտում, որտեղ օվկիանոսի ալիքները, ժամանակակից սրճարաններն ու զբոսավայրերը ստեղծում են հանգիստ և հաճելի մթնոլորտ։

Ազատ ժամանակ

Հնարավորություն կունենաք վայելել քաղաքը, կատարել գնումներ կամ պարզապես հանգստանալ օվկիանոսի ափին։

Գիշերակաց Կասաբլանկայում

Նախաճաշ հյուրանոցում

Ճանապարհ դեպի կապույտ քաղաք

Հեռավորություն՝ 340 կմ
Տևողություն՝ 5-6 ժամ

Այսօր ուղևորվում ենք դեպի Մարոկկոյի ամենահմայիչ քաղաքներից մեկը՝ Շեֆշաուեն, որը հայտնի է որպես երկրի «կապույտ մարգարիտ»։ Ռիֆի լեռների գրկում տեղավորված այս յուրահատուկ քաղաքը գրավում է այցելուներին իր խաղաղ մթնոլորտով և կապույտի հազարավոր երանգներով պատված փողոցներով։

Մուտք Կապույտ քաղաք

Ժամանելուն պես կսկսենք ծանոթությունը Շեֆշաուենի կախարդական աշխարհին։ Քաղաքի Մեդինան հայտնի է իր երկնագույն պատերով, գունավոր դռներով և նեղ ոլորապտույտ փողոցներով, որտեղ յուրաքանչյուր անկյուն կարծես ստեղծված լինի բացիկի համար։

Ուտա էլ-Համմամ հրապարակ

Այցելում ենք քաղաքի գլխավոր հրապարակը՝ Շեֆշաուենի սիրտը։ Այստեղ են գտնվում ավանդական սրճարանները, հին մզկիթը և քաղաքի պատմական Կասբան։ Հրապարակը լավագույն վայրերից է քաղաքի առօրյային ծանոթանալու և ավանդական մարոկկյան անանուխով թեյը վայելելու համար։

Շեֆշաուենի Կասբա

Կայցելենք քաղաքի պատմական ամրոցը, որի ներսում պահպանվել են գեղեցիկ այգիներ և թանգարանային հատվածներ։ Ամրոցի աշտարակից բացվում է կապույտ քաղաքի ամենատպավորիչ համայնապատկերներից մեկը։

📸 Այստեղ կունենաք հիանալի հնարավորություն անմահացնելու ձեր ճամփորդության ամենագեղեցիկ կադրերը՝ Շեֆշաուենի խորհրդանշական կապույտ փողոցների և տանիքների ֆոնին։

Զբոսանք և ֆոտոսեսիա

Օրվա մնացած մասը նվիրում ենք քաղաքի ազատ բացահայտմանը։ Շեֆշաուենը այն վայրերից է, որտեղ հաճելի է պարզապես քայլել, մոլորվել գեղատեսիլ փողոցներում, լուսանկարվել հայտնի կապույտ աստիճանների մոտ և վայելել լեռնային քաղաքի խաղաղ ու հանգիստ մթնոլորտը։

Ընթրիք հյուրանոցում

Գիշերակաց Շեֆշաուենում

Վայելում ենք կապույտ քաղաքի երեկոյան անդորրը և լեռների գրկում տիրող յուրահատուկ մթնոլորտը։

Այսօր հրաժեշտ ենք տալիս հեքիաթային կապույտ Շեֆշաուենին և ուղևորվում դեպի Մարոկկոյի մշակութային ու հոգևոր սիրտը՝ Ֆես։

Նախաճաշ հյուրանոցում
Օրը սկսում ենք հանգիստ նախաճաշով՝ վայելելով լեռների խաղաղ մթնոլորտն ու քաղաքի յուրահատուկ հմայքը։

Շեֆշաուեն → Ֆես

Հեռավորություն՝ մոտ 200 կմ

Տևողություն՝  3.5–4 ժամ
Ճանապարհ ենք ընկնում դեպի Ֆես՝ անցնելով Մարոկկոյի գեղատեսիլ լեռնային շրջաններով։
Այս օրը նվիրված է Մարոկկոյի ամենախորհրդավոր քաղաքներից մեկին՝ Ֆեսին, որտեղ յուրաքանչյուր քայլը պատմություն է,

Ժամանում և առաջին ծանոթություն Ֆեսի հետ
Ֆեսը Մարոկկոյի ամենահին կայսերական քաղաքներից է, որտեղ պահպանվել է միջնադարյան իսլամական աշխարհի իրական շունչը։
Ժամանումից հետո կսկսենք մեր առաջին զբոսանքը՝ զգալու քաղաքի յուրահատուկ մթնոլորտը։

«Կապույտ դարպասներ» (Bab Boujloud)
Մեր ծանոթությունը Ֆեսի հետ սկսվում է նրա խորհրդանիշից՝ գեղեցիկ խճանկարներով զարդարված դարպասներից, որոնք հանդիսանում են հին քաղաքի՝ Մեդինայի գլխավոր մուտքը։

Ֆես էլ-Բալի լաբիրինթոսներ
Ֆեսի մեդինան ՅՈՒՆԵՍԿՕ-ի համաշխարհային ժառանգություն է և աշխարհի ամենամեծ հետիոտնային գոտին։
Ավելի քան 9000 նեղ փողոցներով այս լաբիրինթոսում մեքենաներ չկան, իսկ միակ «տրանսպորտը» ավանակներն են։ Այստեղ դուք կզգաք միջնադարյան քաղաքի իրական շունչը։

 Այս հատվածում կունենաք բազմաթիվ հնարավորություններ ստեղծելու յուրահատուկ, ինստագրամյան ֆոտոներ՝ գունեղ դռների, շուկաների և հին քաղաքի մթնոլորտային փողոցների ֆոնին։

Շուարա ներկատներ (Chouara Tannery)
Ֆեսի ամենահայտնի և տպավորիչ վայրերից մեկը։
Կբարձրանանք տեռասաներ, որտեղից կտեսնենք դարերով պահպանված գործընթացը՝ ինչպես են ձեռքով ներկում կաշին մեծ քարե ավազաններում։ Սա իսկապես յուրահատուկ և անմոռանալի տեսարան է։

Գիշերակաց Ֆեսում
Օրը կավարտենք հանգիստ գիշերակացով՝ պատրաստվելով հաջորդ օրվա նոր բացահայտումներին։

Այսօր ուղևորվում ենք դեպի թագավորական մայրաքաղաք՝ Ռաբաթ։

Նախաճաշ հյուրանոցում
Օրը սկսում ենք հանգիստ նախաճաշով՝ պատրաստվելով հագեցած բացահայտումներին։

Ֆես → Ռաբաթ (կանգառներով)
Հեռավորություն՝ 210 կմ
Տևողություն՝ 3-4 ժամ

Իֆրան — «Մարոկկոյի Շվեյցարիա»
Ճանապարհին կանգառ կունենանք Իֆրանում՝ եվրոպական ոճի քաղաքում, որը հայտնի է իր մաքուր փողոցներով, կանաչ տարածքներով և զով կլիմայով։

Իֆրանի ազգային պարկ և բերբերական մակակներ
Կայցելենք մայրիների անտառ, որտեղ բնակվում են բերբերական մակակները։
Դուք հնարավորություն կունենաք տեսնել նրանց բնական միջավայրում և անել հետաքրքիր ու կենդանի լուսանկարներ։

Իդեալական վայր է բնության մեջ գեղեցիկ ու յուրահատուկ ֆոտոներ ստանալու համար։

Ժամանում Ռաբաթ
Օրվա վերջում կհասնենք Մարոկկոյի խաղաղ և էլեգանտ մայրաքաղաք։

Ազատ ժամանակ
Հնարավորություն՝ հանգստանալու կամ ինքնուրույն բացահայտելու քաղաքի մթնոլորտը։

Գիշերակաց Ռաբաթում

Նախաճաշ հյուրանոցում

Քաղաքային էքսկուրսիա Ռաբաթում
Բացահայտում ենք քաղաքի ամենանշանավոր տեսարժան վայրերը։

Հասան աշտարակ (Hassan Tower)
Մեր առաջին կանգառը Ռաբաթի խորհրդանիշներից մեկն է։
Այս հզոր կառույցը նախատեսված էր դառնալ աշխարհի ամենաբարձր մինարեթներից մեկը և մինչ օրս տպավորում է իր մասշտաբով ու պատմությամբ։

Մոհամմեդ V-ի դամբարան (Mausoleum of Mohammed V)
Աշտարակի հարևանությամբ գտնվում է նրբաճաշակ ճարտարապետությամբ այս դամբարանը, որտեղ հանգչում են Մարոկկոյի թագավորները։ Այն համարվում է մարոկկյան ճարտարապետության լավագույն օրինակներից մեկը։

Ուդայա կասբա (Kasbah of the Udayas)
Այցելում ենք հին ամրոցը՝ իր սպիտակ-կապույտ տներով, նեղ փողոցներով և Ատլանտյան օվկիանոսի հիասքանչ տեսարաններով։
Այստեղ տիրում է յուրահատուկ խաղաղ ու ռոմանտիկ մթնոլորտ։

Իդեալական վայր է գեղեցիկ և հիշարժան լուսանկարներ անելու համար՝ օվկիանոսի և հին քաղաքի ֆոնին։
Գիշերակաց Ռաբաթում

Այս ճամփորդությունը ավելին է, քան պարզապես տուր…

Սա հանդիպում է արևելյան հեքիաթի հետ,
քայլք ժամանակի միջով,
գույների, բույրերի և զգացողությունների մի ամբողջ աշխարհ։

Մարոկկոն այն վայրն է, որտեղ յուրաքանչյուր օրը նոր պատմություն է,
իսկ յուրաքանչյուր պահ՝ հիշողություն, որը կմնա քեզ հետ երկար ժամանակ։

Նախաճաշ հյուրանոցում

Վերջին առավոտը Մարոկկոյում։ Ժամանակ է ևս մեկ անգամ վայելելու այս հյուրընկալ երկրի յուրահատուկ մթնոլորտը և մտովի վերապրելու մեր ճամփորդության ամենահիշարժան պահերը։

🕒 09:00 – Տրանսֆեր օդանավակայան

Հարմարավետ տրանսֆերով ուղևորվում ենք Ռաբաթի օդանավակայան։

✈️ 12:45 – Թռիչք Ռաբաթից դեպի Փարիզ (Air France ավիաընկերությամբ)
Տևողությունը՝ 2 ժամ 55 րոպե

🕒 15:40 – Ժամանում Փարիզի Շառլ դը Գոլ օդանավակայան

Տրանզիտ՝ 2 ժամ 15 րոպե

✈️ 17:55 – Թռիչք Փարիզից դեպի Երևան
Տևողությունը՝ 4 ժամ 35 րոպե

🕛 00:30 (+1) – Ժամանում Երևան

Վերադարձ տուն

Մեր մարոկկյան հեքիաթն ավարտվում է, սակայն հիշողությունները, գույները, համերն ու տպավորությունները դեռ երկար կմնան մեզ հետ։